थापाले कार्कीलाई गीतको सन्दर्भबारे बताएका थिए । थापाले भनेअनुसार त्यसलाई कल्पना गरेर कार्कीले लेखे ;–

भिडियोमा चलचित्र ‘कन्यादान’की मुख्य कलाकार गौरी मल्ल, सुभद्रा अधिकारी, बसुन्धरा भुषाल लगायतको अभिनय छ । गौरी मल्ल एकल महिलाको भूमिकामा, शुभद्रा उनकी सासू को भूमिकामा, अनि बसुन्धरा गाउँले संगीको भूमिकामा छन् ।

यीनै पात्रलाई समेटेर सो तीजको गीतको भिडियो तयार भयो ।

बसन्त श्रेष्ठको कोरियोग्राफीमा गीतको भिडियो बनेको हो । गीतको सुरुआतमा तीज आएको जनाउँदै दीदीबहिनीलाई स्वर खोलेर गाउन र मिलेर नाच्न संगीसाथीलाई आग्रह गरिएको छ ।

नौडाँडा काटेर गएका चेली भाग्यले भेट हुन पाएको, अर्को वर्ष भेट होला नहोला ? को कहाँ पुग्ने केही थाहा नभएकाले दुःख बिर्सिएर मनको धोको पुर्याएर गाउन आग्रह गरिएको छ । चेलीलाई माइत आउन भदौंरे भेलले नरोकेको भाव ब्यक्त गरिएको छ । त्यस्तै, सासू, आमाजू, नन्दले दिने गरेका दु:ख बिर्सिएर रमाउन आग्रह गरिएको छ ।

गीतमा श्रीमानको दीर्घायुको कामना गरिएको छ ।

चलचित्र सार्वजनिक भएसँगै गीतको निकै चर्चा पायो । र, हरेक स्रोता एवं दर्शकको प्रिय गीत बन्यो । हरेक वर्ष तीजमा यस गीत अनिवार्यजस्तै बन्न पुग्यो ।

अन्य केही नेपाली चलचित्रमा तीजको गीत समावेश गरियो । तर, यस गीतले जति लोकप्रियता अरुले कमाउन सकेनन् । यसअर्थमा यो गीत तीजको लागि, महिलाहरुको लागि, स्रोताहरुको लागि एउटा स्वर्णीम कोशेली बन्यो ।

चलचित्रका निर्देशक प्रकाश थापाको, गीतको भिडियोमा देखिएकी कलाकार सुभद्रा अधिकारीको तथा गीतकार चेतन कार्कीको निधन भइसकेको छ ।