थानकोट ।

सोमबार काठमाडाैंमा प्रदर्शनमा उत्रिएका युवाहरूमा बानेश्वर क्षेत्रमा प्रहरीले दमन गर्दा कम्तीमा १६ जनाको ज्यान गएको छ ।

मृतक कतिपयको पहिचान खुलेपनि कतिपयको सनाखत हुन बाँकी रहेको छ ।

मृतकहरू मध्ये एक जना कीर्तिपुर निवासी ४२ वर्षीय युवा पनि रहेको बताइएको छ । उनको महांकालस्थानस्थित ट्रमा सेन्टरमा मृत्यु भएको हो ।

काठमाडाैंमा जेनजी प्रदर्शनः ट्रमा सेन्टरमा ७ जनाको मृत्यु, कीर्तिपुरका एकसहित ४ जनाको सनाखत

यस्तै, प्रदर्शनमा सयाैं जना घाइते भएका छन् ।

विभिन्न अस्पतालमा ती घाइते उपचार जारी छ ।

अस्पतालहरूले उपचाररत घाइतेहरूको विवरण सार्वजनिक गरेका छन् ।

जसमा ट्रमा सेन्टरमा चन्द्रागिरिका २० वर्षीय सही अहमद पनि रहेका छन् ।

ट्रमा सेन्टरमा मात्रै ५० जना घाइते उपचाररत छन् (सूचि हेर्नुहाेस्)। अन्य अस्पतालहरूमा पनि घाइतेको उपचार भइरहेको छ । उपचारमा संलग्न चिकित्सकका अनुसार, घाइतेमध्ये अधिकांशलाई गोली लागेको छ ।