थानकोट ।

काठमाडाैंमा गाडीबाट ओर्लिएर पैदलयात्रीलाई मुक्का हान्ने व्यक्तिलाई ट्राफिक प्रहरीले पक्राउ गरेको छ ।

ट्राफिक प्रहरीले पैदलयात्रीमाथि मुक्का हानेको आरोपमा कार चालक पारस बमलाई पक्राउ गरेको हाे।

अहिले उनलाई ट्राफिक कार्यालय रामशाह पथ लगिएको छ ।

उनले चप्पल कारखाना अगाडि एक पैदलयात्रीलाई मुक्का हानेका थिए ।

पैदलयात्रीलाई मुक्का हानेको भिडियो सार्वजनिक भएपछि प्रहरीले अनुसन्धान गरेको थियो ।

उनले पैदलयात्रीलाई कुटेको भिडियो सामाजिक सञ्जालमा भाइरल बनेको छ ।

कारबाट झरेका ती व्यक्तिले गाली गर्दै पिटेको देखिन्छ ।

त्यसपछि एक महिला आएर पनि गाली गरेको भिडियोमा सुनिन्छ ।

ट्राफिक प्रहरीले घटनाको विवरण अनुसार आवश्यक कारबाही अघि बढाएको जनाएको छ।