चेकपोष्टस्थित हाइभिजन कोलोनी क्षेत्रमा भेटिएको शंकास्पद वस्तु फोहोरको झोला भएको पुष्टि
Thankot Times
२०८२ फागुन २० गते ७:३०
थानकोट ।
चन्द्रागिरि नगरपालिका-०५ चेकपोष्ट वाणस्थलीस्थित हाइभिजन कोलोनी क्षेत्रमा मंगलबार साँझ भेटिएको शंकास्पद वस्तु फोहोरको झोला भएको पुष्टि भएको छ ।
स्थानीयले एक घरको छेउमा शंकास्पद झोला देखेपछि सुरक्षाकर्मी गुहारेका थिए ।
पछि नेपाली सेनाको टोलीले उक्त वस्तु फोहोरको झोला भएको पत्ता लगाएको थियो ।
निर्वाचनको माहोलका बीच चोकमा शंकास्पद वस्तु भेटिएपछि केही बेर सो क्षेत्रमा अवस्था तनावपूर्ण बनेको थियो ।
यस घटनाका बारेमा थप अनुसन्धान भइरहेको प्रहरीको भनाइ छ ।
घर वरपर कतै शंकास्पद वस्तु भेटिएमा तुरुन्तै नजिकैको प्रहरीलाई खबर गर्न सुझाइएको छ ।
हाइभिजन कोलोनी क्षेत्रमा शंकास्पद वस्तु भेटियो, घटनास्थलमा सुरक्षाकर्मी परिचालन (अपडेट)
ट्रेन्डिङ
