थानकोट ।

साना क्रियटरहरूलाई ध्यानमा राख्दै युट्युबले मनिटाइजेसन पोलिसी अर्थात् च्यानल मनिटाइज गर्ने नियमहरूमा केही परिवर्तन ल्याएको छ । कम्पनीले साना क्रियटरलाई मध्यनजर गर्दै च्यानल मनिटाइज गर्ने नियमलाई केही खुकुलो बनाएको जनाएको छ ।

कम्पनीले ‘युट्युब पार्टनर प्रोग्राम’ अन्तर्गत च्यानल मनिटाइजेसनका लागि नयाँ नियमहरू लागू गरेको छ  ।

नयाँ नियम अनुसार अब च्यानल मनिटाइजेसनका लागि ५०० सब्सक्राइबर भए पुग्नेछ । यो भन्दा अगाडि मनिटाइजेसनका लागि १००० सब्सक्राइबर अनिवार्य थियो ।

मनिटाइजेसनको नियममा परिवर्तन आए पनि आम्दानी बाँडफाँडको नियम भने उस्तै नै रहेको छ । सुरुवातमा यो नियम अमेरिका, बेलायत, क्यानडा, ताइवान र दक्षिण कोरियामा लागू हुनेछ ।