चाबहिलमा २ वटा मोटरसाइकल आपसमा ठोकिँदा १ जनाको मृत्यु
Thankot Times
२०८० असोज २ गते १३:१०
थानकोट ।
काठमाडौं महानगरपालिका-७ चाबहिलमा २ वटा मोटरसाइकल आपसमा ठोकिँदा १ जनाको मृत्यु भएको छ।
प्रहरीका अनुसार प्रदेश १ ०२-०५० प ६७८९ नम्बरको मोटरसाइकल र बा.प्र.०२-०४४ प २८५० नम्बरको मोटरसाइकल एकआपसमा ठक्कर खाँदा सो दुर्घटना भएको हो ।
मृत्यु हुनेमा बा.प्र.०२-०४४ प २८५० नम्बरको मोटरसाइकल चालक काठमाडौं पुतलीसडक बस्ने पर्सा वीरगंज महानगरपालिका-१४ घर भएका ३२ वर्षीय पर्शुराम महतो रहेका छन् ।
दुर्घटनामा गम्भीर घाइते भएका उनको ओम अस्पतालमा उपचारको क्रममा सोमबार बेलुकी मृत्यु भएको हो ।
दुर्घटनामा घाइते भएका दुवै मोटरसाइकलमा सवार अन्य ३ जनाको सोही अस्पतालमा उपचार भइरहेको प्रहरीले जनाएको छ ।
ट्रेन्डिङ
