थानकोट ।

नेपाली बजारमा मंगलबार (भदौ १०) सुनको मूल्य बढेको छ ।

सुनको मूल्य तोलामा एक हजार ५ सय रुपैयाँले बढेको नेपाल सुनचाँदी व्यवसायी महासंघले जनाएको छ ।

यस दिन छापावाल सुनको मूल्य तोलाको एक लाख ९८ हजार ७ सय रुपैयाँ कायम छ ।

सोमबार (भदौ ९) छापावाल सुन प्रतितोला एक लाख ९७ हजार २ सय रुपैयाँमा किनबेच भएको थियो ।

चाँदीको मूल्य पनि तोलामा पाँच रुपैयाँले बढेको छ ।

चाँदी प्रतितोला दुई हजार ३ सय ६० रुपैयाँमा खरिद–बिक्री भइरहेको महासंघले जनाएको छ ।

हिजो सोमबार चाँदी प्रतितोलाको दुई हजार ३ सय ५५ रुपैयाँमा कारोबार भएको थियो ।