चेकपोष्ट बस्दै आएका एमाले नेता ललितपुरबाट समातिए, यस्तो छ पक्राउ पर्नुको कारण
Thankot Times
२०८२ चैत १४ गते १८:१८
थानकोट ।
नेकपा एमाले कर्णालीका नेता कर्णबहादुर मल्ल पक्राउ परेका छन् ।
मुगुको सोरु गाउँपालिका–१० घर भइ हाल चन्द्रागिरि नगरपालिका चेकपोष्ट बस्ने ५२ वर्षीय मल्ललाई शनिबार प्रहरीले पक्राउ गरेको हो ।
उनलाई ललितपुर महानगरपालिका-१५ बाट पक्राउ गरिएको ललितपुरका एसएसपी होबिन्द्र बोगटीले जानकारी दिए ।
मल्लविरुद्ध बलात्कार गरेको आरोपमा एक महिलाले उजुरी दिएकी थिइन् ।
सोही उजुरीका आधारमा प्रहरीले शनिबार मल्ललाई पक्राउ गरेको हो ।
जिल्ला प्रहरी परिसर ललितपुर र मातहतको सातदोबाटो प्रहरी वृत्तको टोलीले उनलाई नियन्त्रणमा लिएको हो ।
उनीविरुद्ध पीडित महिलाले फागुन ५ गते प्रहरीमा उजुरी दिएकी थिइन् ।
पीडित महिला केही समयअघि माइतीघरमा अनशन पनि बसेकी थिइन् ।
ट्रेन्डिङ
