निर्देशनमार्फत एमालेले सातै प्रदेशका ७५३ वटै स्थानीय तहमा केन्द्रीय नेताहरूलाई जिम्मेवारी तोकेर कार्यविभाजन गरेको छ।

जसअन्तर्गत केन्द्रीय सदस्यहरूलाई विभिन्न पालिकाको इन्चार्ज र ‘मिसन पार्टी जागरण’ को प्रतिनिधि बनाएर पठाइएको छ।

पार्टीले आगामी जेठ मसान्तभित्र संगठित सदस्यता नवीकरण गरिसक्न र नयाँ सदस्य विस्तारलाई तीव्रता दिन मातहतका कमिटीलाई निर्देशन दिएको छ।

एमालेले आगामी निर्वाचन र पार्टी सुदृढीकरणलाई ध्यानमा राख्दै पदाधिकारीदेखि केन्द्रीय सदस्यसम्मलाई भूगोल र विभागको जिम्मेवारी सुम्पेको जनाएको छ ।

जसअनुसार पार्टी अध्यक्ष केपी शर्मा ओलीले समग्र पार्टी कामको नेतृत्व गर्नेछन् भने उपाध्यक्षहरूलाई विभिन्न विभाग र क्षेत्रको समन्वय गर्ने जिम्मेवारी दिइएको छ ।