थानकोट । 

सामाजिक सञ्जाल ह्वाट्सएपमा मंगलबार दिउँसो समस्या आएको छ। लाखौं प्रयोगकर्ताहरूले केही समयदेखि आफूले चाहेको मान्छेलाई म्यासेज पठाउन सकेका छैनन्।

भारतीय सञ्चारमाध्यमहरूका अनुसार भारतभरि यो समस्या देखिएको छ। द न्युयोर्क टाइम्सका अनुसार बेलायत, दक्षिण कोरियालगायत मुलुकमा पनि समस्या देखिएको छ। 

नेपाली ह्वाट्सएप प्रयोगकर्ताहरूले पनि यो समस्या झेलिरहेका छन्।

ह्वाट्सएप मेटा कम्पनीले चलाउँछ। ह्वाट्सएपमा समस्या आएकोबारे जानकारी रहेको भन्दै मेटाका प्रवक्ताले समाधानको प्रयास भइरहेको बताएका छन्।