नगरप्रमुख घनश्याम गिरीले पदबाट राजीनामा दिए
Thankot Times
२०७९ वैशाख ११ गते १९:३३
थानकोट ।
चन्द्रागिरि नगरका मेयर घनश्याम गिरीले पदबाट राजीनामा दिएका छन् । आइतबार नगरप्रमुख गिरीले उपप्रमुख लिशा नकर्मी समक्ष राजीनामा पेश गरेका हुन् । आसन्न स्थानीय तहको निर्वाचनमा नगरप्रमुख पदमा उम्मेदवारी दिने तयारीका लागि उनले नगरप्रमुख पदबाट राजीनामा दिएको बुझिएको छ ।
नगरप्रमुखको सचिवालयले थानकोट टाइम्सलाई दिएको जानकारी अनुसार नगरप्रमुखले प्रयोग गर्दै आएको सवारी साधनसमेत फिर्ता गरिएको छ । गिरी २०७४ को स्थानीय निर्वाचनमा नेपाली काँग्रेसका तर्फबाट नगरप्रमुख पदमा विजयी भएका थिए ।
थानकोट टाइम्समा प्रकाशित कुनै सामग्री पुनः प्रेषित गर्दा अनिवार्य रूपमा श्रोत खुलाउन पर्नेछ । साथै, थानकोट टाइम्समा प्रकाशित कुनै सामग्रीबारे गुनासो एवं जानकारी भए [email protected] मा इमेल गर्न हुन अनुरोध गर्दछौ ।
ट्रेन्डिङ
