थानकोट ।

त्रिभुवन अन्तर्राष्ट्रिय विमानस्थलबाट करिब १ क्विन्टल सुन बरामद भएको छ ।

पाँच दिनअघि नै नेपाल आइपुगेको सो सुनसँगै तीनजना पक्राउ परेका छन् । क्याथे प्यासिफिक जहाजबाट उक्त सुन पाँचदिन अघि नै नेपाल आएको र मंगलबार भन्सार पास भएको बताइएको छ ।

राजस्व अनुसन्धान विभागका महानिर्देशक नवराज ढुंगानाका अनुसार उक्त सुन ओसारपसारमा संलग्न रहेका तीनजनालाई पक्राउ गरिएको हो ।  

भन्सार पास भइसकेको उक्त सुन विमानस्थल भन्सार गेट अगाडिबाट गन्तव्यतिर लैजाने क्रममा बरामद भएको उनको भनाइ छ।  ८० देखि १०० किलोको बीचमा रहेको सुन बरामद गरिएको उनले जानकारी दिए ।

हङकङदेखि क्याथे प्यासिफिक जहाजबाट उक्त सुन चारदिन अघि नै नेपाल आएको थियो ।

रेडी ट्रेडलिंक बूढानीलकण्ठको नाममा ल्याएको १६० वटा ब्रेकप्याड भित्र लुकाइएको अवस्थामा राजस्व अनुसन्धान विभागको टोलीले बरामद गरेको बताइएको छ ।