थानकोट ।

नेपाली कांग्रेसको केन्द्रीय समितिको बैठक असोज ४ गते बस्ने भएको छ ।

यसअघि असोज २ गतेका लागि बोलाइएको बैठक असोज ४ गते सार्ने तयारी भएको बताइएको छ ।

असोज २ मा ऋषि पञ्चमी र असोज ३ मा संविधान दिवस परेकाले बैठक दुई दिन पछि सार्ने तयारी भएको हो ।  ‘पर्व र संविधान दिवसले गर्दा असोज ४ गते बैठक बस्छ’, एक नेताले भने ।

साउन १० मा केन्द्रीय समिति बैठक सकिँदा सभापति शेरबहादुर देउवाले असोज २ मा केन्द्रीय समितिको बैठक बस्ने मिति सुनाएका थिए ।

विधान अनुसार प्रत्येक २ महिनामा केन्द्रीय समिति बैठक बस्नुपर्दछ ।

महामन्त्रीद्वय गगन थापा र विश्वप्रकाश शर्माले केन्द्रीय समितिमा प्रस्तुत गरेको वार्षिक तालिकामा प्रत्येक २/२ महिनामा बैठक बस्ने गरी  दिन समेत तय गरेर तालिका प्रस्तुत गरेका थिए ।