थानकोट ।

लाैह पुरुष गणेशमान सिंहको २६औ स्मृति दिवसका अवसरमा काठमाडाैंका स्थानीय तहबीच फुटसल प्रतियोगिता हुने भएको छ।

नेपाल तरूण दल काठमाडाैं जिल्ला समितिको आयोजनामा असोज २ गते हुने अन्तर पालिका फुटसल प्रतियोगितामा काठमाडाैंका ११ वटै पालिकाबाट छनोट हुने १-१ वटा टोलीले प्रतिस्पर्धा गर्नेछन्।

प्रतियोगिताका लागि हरेक पालिकामा अन्तर वडा फुटसलको तयारी सुरु भइसकेको नेपाल तरुण दल काठमाडौं क्षेत्र नं १० अध्यक्ष इश्वर लामाले जानकारी दिनुभयो ।

सबै पालिकामा नेपाल तरुण दलको अगुवाइमा अन्तरपालिका प्रतियोगिताका लागि टिम छनोटको कार्य भइरहेको छ ।

जसअनुसार  चन्द्रागिरि नगरपालिकाले आज चन्द्रागिरि नगरका सबै १५ वटै वडाबीच फुटसल प्रतियोगिता आयोजना गर्दैछ । दिउँसो १ बजेबाट सुरु हुने प्रतियोगिता चन्द्रागरि नगरपालिका ९ मच्छेगाउँस्थित मत्स्यनारायण रिक्रयश सेन्टरमा हुने बताइएको छ ।

नागार्जुन नगरमा भने अन्तर वडा फुटसल बिहान ८:०० बजेबाट नागार्जुन नगरपालिका वडा नं ५ स्थित बलामी स्पोर्टस सेन्टर, शरणपुरमा हुनेछ ।

काठमाडौं जिल्लामा काठमाडौं महानगरसँगै नागार्जुन, शङ्खरापुर, गोकर्णेश्वर, तारकेश्वर, दक्षिणकाली, कागेश्वरी मनोहरा, चन्द्रागिरि, टोखा, कीर्तिपुर र बूढानीलकण्ठ नगरपालिका छन् ।