बंगलादेशको कबड्डी लिगमा नेपालका चार जना खेलाडी
Thankot Times
२०८० मंसिर १२ गते १२:२६
थानकोट ।
बंगलादेशको ढाकामा हुने महिला कबड्डी लिगमा नेपालका चार खेलाडीले खेल्ने भएका छन् ।
चारैले मेघना कबड्डी क्लबबाट खेल्ने अवसर पाएका हुन् ।
बंगलादेश कबड्डी संघको आयोजनामा मंसिर १४ देखि २२ गतेसम्म हुने लिगमा अनुजा कुलुङ राई, गंगा घिमिरे, जयन्ती बडु र सिर्जनाकुमारी थारूले खेल्ने छन् ।
चारै खेलाडी गत असोजमा चीनको हाङझावमा सम्पन्न १९औँ एसियाली खेलकुदमा नेपालले ऐतिहासिक कांस्य पदक जित्ने टोलीका सदस्य हुन् ।
अफिसियलमा भगवती अधिकारी छिन् ।
टोलीलाई राष्ट्रिय खेलकुद परिषद्का निमित्त सदस्य-सचिव अञ्जन धमला, अखिल नेपाल कबड्डी संघकी अध्यक्ष तुल्सा थापालगायतले सोमबार एक कार्यक्रमबीच बिदाइ गरे ।
पाँच सदस्यीय टोली मंगलबार बंगलादेश प्रस्थान गर्दैछ ।
ट्रेन्डिङ
