थानकोट ।

 प्रथम योङ स्टार खुला तेक्वान्दो प्रतियोगितामा आयोजक कोटेश्वर तेक्वान्दो डोजाङले ११ स्वर्ण, १० रजत र १० कांस्य पदक जित्दै टिम च्याम्पियन ट्रफी जित्न सफल भएको छ। 

योङ स्टार ग्रुप सहआयोजक रहेको प्रतियोगितामा १० स्वर्ण, ७ रजत र ३ कांस्यसाथ चन्द्रागिरि डोजाङ दोस्रो भयो । तेस्रो भएको क्षेत्रपाल डोजाङले ३ स्वर्ण, ५ रजत र २ कांस्य जितेको थियो ।

पहिलोले ३ सय, दोस्रोले २ सय र तेस्रो हुने टिमले १ सय अमेरिकी डलर पुरस्कार हात पारे ।

शनिबार सम्पन्न प्रतियोगिताका विजेतालाई नेपाल ओलम्पिक कमिटीका अध्यक्ष जीवनराम श्रेष्ठ, राखेप सदस्य एकेन्द्र कुँवर, तेक्वान्दोका मुख्य प्रशिक्षक नवीनकुमार श्रेष्ठलगायतले पुरस्कृत गरेका थिए ।