आजदेखि एन्फा महिला लिग: १० टोलीको सहभागिता, लिग विजेतालाई १० लाख पुरस्कार
Thankot Times
२०८१ भदौ १६ गते ७:४०
थानकोट ।
आजदेखि एन्फा महिला लिग सुरु हुँदै छ ।
अखिल नेपाल फुटबल संघ (एन्फा)को आयोजनामा लिग सञ्चालन हुन लागेको हो ।
लिगमा त्रिभुवन आर्मी फुटबल क्लब, एपीएफ फुटबल क्लब, नेपाल पुलिस क्लब, संकटा क्लब, बागमती युथ क्लब, वालिङ नगरपालिका, चन्द्रपुर नगरपालिका, कोसी, सुदूरपश्चिम र कर्णाली प्रदेशको सहभागिता रहनेछ ।
लिगको उद्घाटन खेल दिउँसो ३ बजे एन्फा कम्प्लेक्समा कोसी प्रदेश र वालिङ नगरपालिकाबीच हुनेछ ।
प्रतियोगितामा कुल ६९ खेल हुने बताइएको छ ।
लिग विजेतालाई १० लाख र उपविजेतालाई पाँच लाख रुपैयाँ नगद पुरस्कार प्रदान गरिनेछ ।
उत्कृष्ट खेलाडीलाई एक लाख, ‘फेयर प्ले टिम’लाई एक लाख ५० हजार, उत्कृष्ट गोलकिपर र उच्च गोलकर्तालाई समान ५०/५० हजार प्रदान गरिने एन्फाले जनाएको छ ।
प्रतियोगिताको अनुमानित लागत दुई करोड २४ लाख ६८ हजार रुपैयाँ छ ।
ट्रेन्डिङ
