थानकोट ।

नेपाली बजारमा सुनको मूल्यले नयाँ कीर्तिमान बनाएको छ।

शुक्रबार नेपाली बजारमा छापावाल सुन प्रतितोला एक लाख ६१ हजार ३ सय रुपैयाँमा कारोबार भइरहेको नेपाल सुनचाँदी व्यवसायी महासंघको भनाइ छ । अघिल्लो कारोबार दिनको तुलनामा शुक्रबार सुनको भाउ प्रतितोला ४ सय रुपैयाँ बढेको हो ।

यसअघि असोज ११ गते शुक्रबार नेपाली बजारमा छापावाल सुन प्रतितोला एक लाख ६१ हजार २ सय रुपैयाँमा कारोबार भएको थियो ।

शुक्रबार चाँदीको मूल्य पनि तोलामा ३० रुपैयाँले बढेको छ ।

चाँदी प्रतितोला एक हजार ९ सय ८० रुपैयाँमा कारोबार भइरहेको महासंघले जनाएको छ ।

हिजो बिहीबार चाँदी प्रतितोला एक हजार ९ सय ५० रुपैयाँमा कारोबार भएको थियो ।