थानकोट ।

थानकोट चेकपोष्टस्थित कुमारी बैंक नजिकै मूल सडकमा प्रहरी वृत्त थानकोटबाट खटिएको प्रहरी टोलीले शङ्कास्पद रूपमा हिँडिरहेको अवस्थामा एकजना महिलालाई पक्राउ गरेको छ।

पक्राउ पर्नेमा बलम्बुकी २७ की महिला छन् ।

उनलाई चेकजाँचका क्रममा निजको साथबाट स्मार्ट मोबाइल ६ थान, ट्याबलेट मोबाइल १ थान, ल्यापटप थान १ थान बरामद भएको प्रहरीको भनाइ छ। 

चन्द्रागिरि नगरपालिका वडा नं. ६ महादेवस्थान टोलमा रहेका विभिन्न ४ जना मानिसको घर कोठामा प्रवेश गरी चोरी गरेको खुल्न आएकोले उक्त बरामद सामानहरूसहित ती महिलालाई नियन्त्रणमा लिइ थप अनुसन्धान भइरहेको बताइएको छ । 

उनले सोही प्रकृतिका मोबाइल ल्यापटप र नगद रकम चोरी गरेको कसुरमा ५ पटक सजाय भुक्तान गरेको समेत अभिलेखमा देखिएको जिल्ला प्रहरी परिसर काठमाडौका प्रवक्ता अपिलराज बोहराले जानकारी दिए ।