मातृशोकमा रहेका क्रिकेटर ललित राजवंशीलाई भेट्न घरमै पुगे कोशी प्रदेशका मुख्यमन्त्री कार्की
Thankot Times
२०८२ साउन २६ गते १६:३६
थानकोट।
मातृशोकमा रहेका नेपाली राष्ट्रिय क्रिकेट टोलीका सदस्य ललित राजवंशीलाई भेट्न कोशी प्रदेशका मुख्य मन्त्री हिक्मतकुमार कार्की घरमै पुगेका छन् ।
मुटु रोगबाट पीडित ६३ वर्षीया शुभकुमारी राजवंशीको आइतबार निधन भएको थियो ।
कार्की विराटनगर– १४ स्थित जतुवामा सोमबार बिहान १० बजे पुगेका हुन् ।
मुख्य मन्त्री कार्कीले क्रिकेटर राजवंशी र उनका परिवारसँग भेटघाट गरेका हुन् । उनले परिवारलाई सान्त्वना दिँदै मृतकप्रति श्रद्धाञ्जली अर्पण गरे ।
भेटमा मुख्य मन्त्री कार्कीले मृतक शुभकुमारीको पछिल्लो अवस्थाबारे जानकारी लिएका थिए । ललितले आमालाई पहिल्यैदेखि मुटुमा समस्या देखिएको र यो पटक त सुतेकै ठाउँमा देहवसान भएको जानकारी गराए ।
ललित क्रिकेट खेल्नका लागि सोमबार अस्ट्रेलिया जाने तयारीमा थिए । आइतबार आमाको निधन भएको खबर पुगेपछि घर आएका हुन् ।
ट्रेन्डिङ
