एएफसी यू-१७ एसियन कप छनोटमा नेपालको लगातार दोस्रो हार, म्यान्मार ४-० ले विजयी
Thankot Times
२०८२ मंसिर ९ गते ७:२२
थानकोट ।
म्यानमारमा जारी एएफसी यू-१७ एसियन कप छनोटमा नेपालले लगातार दोस्रो हार बेहोरेको छ ।
नेपालले सोमबार सोमबार भएको छनोटअन्तर्गत म्यानमारविरुद्धको खेलमा ४−० को हार बेहोरेको हो ।
नेपालले यसअघि पहिलो खेलमा सिरियासँग ४−२ को हार बेहोरेको थियो ।
हारसँगै समूह ‘जी’ मा रहेको नेपाल समूहको पुछारमा झरेको छ ।
नेपालले अब समूह चरणका दुई खेल खेल्न बाँकी छ । समूहमा नेपालसँगै घरेलु टोली म्यानमार, सिरिया, ओमान र अफगानिस्तान छन् ।
समूहको शीर्ष टोलीले आगामी वर्ष साउदी अरेबियामा हुने एएफसी यू–१७ कपमा स्थान बनाउनेछ ।
नेपालले भोलि बुधबार ओमानसँग र शुक्रबार अफगानिस्तानसँग खेल्नेछ ।
तस्बिरः एन्फा
ट्रेन्डिङ
