थानकोट ।

आज मंगलबार नेपाली बजारमा सुनको मूल्य बढेको छ ।

केही दिनयता घटिरहेको सुनको मूल्य मंगलबार (माघ २०) तोलामा ३ हजार ७ सय रुपैयाँले बढेको हो ।

नेपाल सुनचाँदी व्यवसायी महासंघका अनुसार यस दिन सुनको मूल्य प्रतितोला दुई लाख ९० हजार ३ सय रुपैयाँ तोकिएको छ ।

अघिल्लो कारोबार दिन हिजो सोमबार (माघ १९) सुन प्रतितोला दुई लाख ८६ हजार ६ सय रुपैयाँमा किनबेच भएको थियो ।

त्यसैगरी, चाँदीको मूल्य तोलामा १ सय ३५ रुपैयाँले बढेर प्रतितोला पाँच हजार ३ सय ३५ रुपैयाँ कायम भएको छ ।

हिजो सोमबार चाँदीको भाउ पाँच हजार २ सय रुपैयाँमा कारोबार भएको थियो ।