थानकोट ।

राष्ट्रिय स्वतन्त्र पार्टी (रास्वपा)को शनिबार (फागुन ३०) बस्ने भनिएको सचिवालय बैठक स्थगन भएको छ ।

पार्टीका प्रवक्ता मनिष झाले सो जानकारी दिएका हुन् ।

झाका अनुसार, बैठक आइतबार (चैत १) बिहान १० बजे पार्टी कार्यालय, वनस्थलीमा बस्नेछ ।

बैठकमा समानुपातिक उमेदवार सिफारिसबारे छलफल हुने कार्यसूची रहेको छ ।

सभापति रवि लामिछानेको स्वास्थ्य अवस्थाका कारण यसअघि आज बस्ने भनिएको सचिवालय बैठक भोलि बिहानका लागि सारिएको जनाइएको छ ।