एसियन कप छनोट: नेपाल र म्यान्मार भिड्दै
थानकोट ।
एएफसी यू-२० महिला एसियन कप फुटबल छनोटको दोस्रो चरण खेल्न म्यान्मार पुगेका नेपाली टोलीले आज (मंगलवार) साँझ घरेलु टोली म्यान्मारसँग प्रतिस्पर्धा गर्दैछ ।
नेपाल र म्यान्मारबीचको खेल नेपाली समयअनुसार साँझ ५:४५ बजे शुरू हुनेछ ।
नेपाल छनोटको समूह ‘बी’मा रहेको छ । नेपालको समूहमा चीन, म्यान्मार र चाइनिज ताइपेइ छन् ।
नेपालले प्यालेस्टाइनमा भएको पहिलो चरणमा घरेलु टोली प्यालेस्टाइन र उत्तरी मरियाना आइल्यान्डलाई समान ६-० गोलअन्तरले पराजित गर्दै दोस्रो चरणमा प्रवेश गरेको थियो ।