थानकोट ।

राष्ट्रिय प्रजातन्त्र पार्टीले २१ दिनभित्र केन्द्रीय कार्यालय रहेको घर खाली गर्ने भएको छ ।

सोमबार काठमाडौं महानगरपालिका प्रमुख बालेन शाहलाई पत्र लेखेर राप्रपाले २१ दिनभित्र घर खाली गर्ने जानकारी गराएको हो ।

“महानगरपालिकाको सूचनाबमोजिम घर खाली गर्ने विषयमा राष्ट्रिय प्रजातन्त्र पार्टीले २१ दिनभित्र घर खाली गरी महानगरपालिकालाई जानकारी गराउने बेहोरा निर्देशानुसार अनुरोध गर्दछु,” राप्रपाका मुख्य सचिव केदारबहादुर अधिकारीले लेखेको पत्रमा भनिएको छ ।

सो पत्रको बोधार्थ जिल्ला प्रशासन कार्यालय काठमाडाैंलाई समेत दिइएको छ ।