१९औं एसियाली खेलकुदको उद्घाटन आज, प्रधानमन्त्री दाहाल उद्घाटन समारोहमा सहभागी हुने
Thankot Times 
थानकोट ।
१९औं एसियाली खेलकुदको उद्घाटन आज हुँदैछ ।
चीनको चच्याङ्ग प्रान्तको राजधानी हाङचौमा शनिबार उदघाटन हुने सो खेल उत्सवका केही खेलहरू भने यसअघि नै सुरु भइसकेका छन् । सो महोत्सवमा सहभागी हुन एसियाका ४८ देशमध्ये ४५ देशका खेलाडी हाङचौ पुगेका छन् ।
एसिया ओलम्पिक परिषद्का सदस्य भएका ४५ देश सहभागी भए पनि आर्मेनिया, अजरबैजान र जर्जिया भने सहभागी नभएको चिनियाँ सञ्चारमाध्यले जनाएका छन् ।
सो महोत्सव उदघाटन समारोहमा नेपालका प्रधानमन्त्री पुष्पकमल दाहाल ‘प्रचण्ड’ पनि सहभागी हुँदै छन् । प्रधानमन्त्री दाहाल ३० सेप्टेम्बरसम्म चीन भ्रमणमा रहने छन् ।
उनी हाङचौ, बेइजिङ, छोङछिङ, तिब्बत र सिचुवान प्रान्तको राजधानी छेन्दु हुँदै नेपाल फर्कने कार्यक्रम तय भएको छ ।
एसियाली खेलकुद उदघाटन समारोहमा सहभागी हुनका लागि चीनले नेपालसहित अन्य ६ देशका विशिष्ट अतिथिलाई निमन्त्रणा गरेको छ ।
प्रतियोगिताको उद्घाटन स्थानीय समय अनुसार साँझ ७ बजे सुरु हुनेछ ।
ट्रेन्डिङ
