महिला तथा पुरुष भलिबल च्याम्पियनसिपः चन्द्रागिरि न्यु डायमण्डलाई स्तब्ध पार्दै एपीएफ बन्यो तेस्रो
थानकोट ।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा जारी महिला तथा पुरुष भलिबल च्याम्पियनसिपको महिलातर्फ नेपाल एपीएफ क्लब तेस्रो स्थान भएको छ।
शुक्रबार खेलाइएको तेस्रो स्थानको खेलमा चन्द्रागिरि नगरपालिका न्यू डायमण्ड ३-१ को सेटमा पराजित गर्दै एपीएफले तेस्रो स्थान हात पारेको हो ।
खेलमा एपीएफले पहिलो सेट २५-२२ ले आफ्नो पक्षमा पार्यो । खेलको दोस्रो सेट भने डायमण्डले २५-२३ ले जित्दै खेललाई एक-एक सेटको बराबरीमा ल्यायो ।
एपीएफले तेस्रो सेट २५-१४ ले जित्दा चौथो सेट २५-२१ आफ्नो पक्षमा पार्यो ।
नेपाल भलिबल सङ्घको आयोजनामा सञ्चालित प्रतियोगिताको पुरुष र महिलातर्फको विजेताले समान पाँच लाख रूपैयाँ तथा उपविजेताले दुई लाख रूपैयाँ पुरस्कार प्राप्त गर्नेछन् ।
त्यस्तै तेस्रो हुने टोलीले एक लाख २५ हजार रूपैयाँ पाउने छन् ।