स्रोत नखुलेको १८ लाख ५० हजार रुपैयाँसहित नागढुङ्गा नाकामा समातिए २ जना युवा
Thankot Times
२०८० चैत १८ गते १५:२८
थानकोट ।
नेपाल प्रहरीले नागढुङ्गा नाकाबाट अवैध नगदसहित दुई जनालाई पक्राउ गरेको छ ।
रुपन्देहीको तिलोत्तमा नगरपालिका-११ का २३ वर्षीय रिसव श्रेष्ठ र ३७ वर्षीय देवेन्द्र न्यौपाने स्रोत नखुलेको लाखौँ रुपैयाँसहित समातिएका हुन् ।
प्रहरीले लु.२ ख. ४५३५ नम्बरको बस चेकजाँच गर्ने क्रममा बसमा सवार रिसवको साथबाट प्रहरीले साढे १८ लाख रुपैयाँ नगद बरामद गरेको बताइएको छ ।
अनुसन्धानको क्रममा उक्त रकम काठमाडौंमा रहेका देवेन्द्रलाई पुर्याइदिन उनलाई भरियाका रुपमा प्रयोग गरिएको खुल्न आएको छ ।
शनिबार पक्राउ परेका दुवै जनामाथि आवश्यक अनुसन्धान भइरहेको प्रहरीले जानकारी दिएको छ ।
ट्रेन्डिङ
