त्यस्तै, आजको बैठकले प्रदेश स्तरीय सरकारी पदाधिकारी तथा कर्मचारीको कार्यकक्षको स्तरीकरणसम्बन्धी मापदण्ड २०८० संसोधनसहित स्वीकृत गर्ने र वन क्षेत्रको भोगाधिकार तथा रुख कटान सम्वन्धमा जग्गा भोगाधिकार मात्रै लिइ राख्ने निर्णय गरेको छ। 

बैठकले लैंगिक तथा यौनिक अल्पसंख्यकसम्बन्धी नीति २०८१ स्वीकृत गर्दै आर्थिक वर्ष २०७८/०७९ को बाँकी भुक्तानी रकम निकासा समेत स्वीकृत गरेको छ। 

त्यस्तै बागमती प्रदेशमा सरकारी तथा सामुदायिक भवन वा कुनै पनि किसिमको भौतिक संरचना निर्माण गर्दा स्वदेशमै उत्पादन भएका काठ अनिवार्य प्रयोग गर्नुपर्ने निर्णय भएको पनि प्रवक्ता श्रेष्ठले बताए। उनका अनुसार प्रदेश श्रम सल्लाहकार परिषद्को गठन गर्ने  तथा सशस्त्र प्रहरी बल ३ नं वाहिनीद्वारा गोताखोर तालिम सन्चालन गर्ने विषयमा समेत आज निर्णय भएको छ। 

बैठकले विपद् स्वयमसेवक समूह निर्माण तथा परिचालन गर्ने , बागमती प्रदेश सभाको अधिवेशन अन्त्यको लागि सिफारीस गर्ने, नयाँ कार्यालय भवन उद्घाटन गर्न भएको खर्चको लागि जिल्ला अदालत मकवानपुरलाई ५ लाख रकम अख्तियारी दिने निर्णय गरेको छ ।

बागमती प्रदेश सभाको हिउँदे अधिवेशन अन्त्य

बागमती प्रदेश प्रमुखले बागमती प्रदेश सभाको तह्रौं हिउँदे अधिवेशन अन्त्य भएको घोषणा गरेका छन् ।

प्रदेश प्रमुख यादवचन्द्र शर्माले बागमती प्रदेश सभाको चालू हिउँदे अधिवेशन बुधबार (आज) राति १२ बजेबाट लागू हुने गरी अन्त्य भएको घोषणा गरेका हुन्।

बुधवार बसेको मन्त्रिपरिषद् बैठकले हिउँदे अधिवेशन अन्त्यका लागि प्रदेश प्रमुख यादवचन्द्र शर्मा समक्ष सिफारिस गर्ने निर्णय गरेको थियो ।