सुनको मूल्यमा अविश्वसनीय उछाल, तोलाको कति पुग्यो सुनको भाउ?
थानकोट।
नेपाली बजारमा सुनचाँदीको मुल्य बढेको छ ।
नेपाल सुन–चाँदी व्यवसायी महासंघका अनुसार आज छापावाल सुनको मुल्य तोलामा २ हजार रूपैयाँले बढेर १ लाख ३६ हजार ५ सय रूपैयाँमा कारोबार भइरहेको छ ।
त्यस्तै, तेजावी सुनको मूल्य तोलाको १ लाख ३५ हजार ८ सय ५० रुपैयाँमा कारोबार भइरहेको छ ।
यसअघि बुधबार छापावाल सुन तोलाको एक लाख ३४ हजार ५ सय रूपैयाँमा कारोबार भएको थियो भने तेजावी सुन तोलाको एक लाख ३३ हजार ८ सय ५० रूपैयाँमा कारोबार भएको थियो ।
त्यसैगरी आज चाँदीको मुल्य पनि बढेको छ ।
महासंघका अनुसार आज चाँदीको मुल्य तोलामा १५ रुपैयाँले बढेर प्रतितोला १ हजार ६ सय ४५ रुपैयाँमा कारोबार भइरहेको छ । यस अघि बुधबार चाँदी तोलाको १ हजार ६ सय ३० मा कारोबार भएको थियो ।