चित्लाङबाट हेटौंडातर्फ गइरहेको बस दुर्घटना
थानकोट ।
मकवानपुरको चित्लाङबाट हेटौंडातर्फ गइरहेको यात्रुबाहक बस दुर्घटना भएको छ ।
चित्लाङबाट आइतबार बिहान ६ बजे छुटेको ना. ५ ख १५९० नम्बरको बस भीमफेदी जुरिखेत भन्ने स्थानमा दुर्घटना भएको हो ।
बस बिहान करिब ९ बजे दुर्घटना भएको हो ।
दुर्घटनामा दुई जना यात्रु घाइते भएको र उनीहरुलाई उपचारका लागि हेटौंडा लगिएको बसका चालक सुवास लामाले जानकारी दिए ।
बस अनियन्त्रित भएर भित्तामा ठोक्किन पुगेको चालक लामाको भनाइ छ ।