थानकोट । 

काठमाडाैंमा जारी काभा महिला भलिबल नेसन्स लिगमा भारतविरुद्ध नेपालले ऐतिहासिक जित हात पारेको छ ।

शनिबार सम्पन्न प्रतिस्पर्धात्मक खेलमा नेपाल चिरपरिचित टोली भारतविरुद्ध ३-२को सेटमा विजयी भएको हो ।

खेलमा नेपाल  २५–१८,  १२–२५, २५–१७, १८–२५  र १५–१३ को सेटमा विजयी भयो ।

महिला भलिबलमा भारतमाथि नेपालको यो पहिलो जित हो ।

यो खेलको समाप्तिमा नेपालको दुई खेलबाट ५ अंक पुगेको छ ।

तीन खेल खेलेको भारत ७ अंक जोडेर शीर्षस्थानमा छ ।

च्याम्पियनसिपमा नेपालसहित भारत, श्रीलंका, माल्दिभ्स र इरानको सहभागीता रहेको छ ।

तस्बिरः हाम्रो खेलकुद