थानकोट ।

भुटानको थिम्पुमा शनिबार  सम्पन्न काभा विच भलिबलको महिलातर्फको उपाधि नेपालकी कमला र मनीषाको जोडीले जितेको छ ।

उज्वेकिस्तानका खेलाडीलाई २-० को सोझो सेटमा हराउँदै कमला पुन‌ र मनीषा चौधरीको‌ जोडी उपाधि जित्न सफल भएका हुन ।

उनीहरुले  २१-१७ र २१-१४ को सेटमा विजयी भए ।

पुरुषतर्फ भने नेपालका मानबहादुर श्रेष्ठ र दिलबहादुर सुनारको जोडी उपविजेतामा बनेका छन् ।

उनीहरु मालदिभ्स ए टिमका खेलाडीसँग  २-० को सोझो सेटमा पराजित भए ।

प्रतियोगितामा पुरुष तर्फ १० टोली र महिला तर्फ ७ टोलीको सहभागिता रहेको थियो ।