थानकोट ।

काठमाडौँमा जारी साफ यू-२० च्याम्पियनसिपको फाइनल समीकर पूरा भएको छ ।

सातदोबाटोस्थित एन्फा कम्प्लेक्समा सोमबार दिउँसो सम्पन्न दोस्रो सेमिफाइनल खेलमा पेनाल्टी सुट आउटमा डिफेन्डिङ च्याम्पियन भारतलाई ४-३ गोल अन्तरले पराजित गर्दै बंगलादेश फाइनल पुगेको छ।

निर्धारित ९० मिनेटको खेलमा दुवै टोलीबाट समान १-१ गोल  भएपछि खेलको निर्णय पेनाल्टी सुट आउटबाट गरिएको थियो ।

अब बंगलादेशले उपाधिका लागि नेपालको सामना गर्ने छ ।

नेपालले आइतबार पहिलो सेमिफाइनल खेलमा भुटानलाई पेनाल्टी सुट आउटमा पराजित गर्दै फाइनलमा आफ्नो स्थान सुरक्षित गरिसकेको छ ।

फाइनल खेल बुधबार दशरथ रंगशालामा हुने तालिका रहेको छ।