ओलम्पिकमा ऐतिहासिक पदक विजेता पलेशालाई भोलि नगर परिक्रमा गराइने
Thankot Times
२०८१ भदौ १८ गते १७:२९
थानकोट ।
पारालिम्पिक्समा ऐतिहासिक पदक जितेकी तेक्वान्दो खेलाडी पलेशा गोवर्धनलाई नगर परिक्रमा गराइने भएको छ ।
पेरिसमा भएको पारालिम्पिक्समा के ४४ क्याटगोरी अन्तरगत महिला ५७ केजीताैल समुहमा प्रतिस्पर्धा गरेकी पलेशाले कास्य पदक जितेकी थिइन् । यो नै नेपाली खेलाडीहरुले ओलम्पिकमा जितेको पहिलो पदक हो । पदक विजेता पलोशा भोलि बुधबार काठमाडौं आइपुग्दै छिन् ।
उनीसहित नेपाली टोलीलाई नगर परिक्रमासहित स्वागत गरिने राष्ट्रिय खेलकुद परिषद् (राखेप)ले जनाएको छ ।
राखेपका अनुसार भोलि बुधबार बिहान ८ बजे त्रिभुवन अन्तर्राष्ट्रिय विमानस्थलबाट र्याली सुरु हुनेछ ।
गौशला, नयाँ बानेश्वर, मैतीदेवी, डिल्लीबजार, बागबजार, भद्रकाली हुँदै रापेख परिसर त्रिपुरेश्वर पुगेर सकिनेछ ।
तस्बिरः राखेप
ट्रेन्डिङ
