नेकपा एमालेले तोक्यो प्रदेशहरुको अधिवेशनको मिति, बागमतीको अधिवेशन असोज ८ र ९ मा
Thankot Times
२०८० साउन ८ गते १६:२६
थानकोट ।
नेकपा एमालेले प्रदेशहरुको अधिवेशनको मिति तय गरेको छ ।
जसअनुसार कोशी प्रदेशको अधिवेशन असोज १२-१३ मा, मधेश प्रदेशको अधिवेशन असोज ५-६ मा, बागमती प्रदेशको अधिवेशन असोज ८-९ मा हुने भएको छ ।
लुम्बिनी, कर्णाली र सुदूरपश्चिम प्रदेशले भदौभित्रै अधिवेशन गर्ने निर्णय गरेको छ ।
अहिले कायम रहेको प्रदेश संगठन कमिटीले प्रथम अधिवेशनको मिति तोकेको हो ।
अधिवेशनमा एक सय संगठित सदस्य बराबर एक प्रतिनिधि हुनेछ ।
प्रतिनिधि मध्ये ३३ प्रतिशत महिला अनिवार्य गर्ने, उत्पीडित समुदाय र मजदुरलाई कोटामा प्रतिनिधि ल्याउने तयारी छ ।
प्रतिनिधि प्रक्रियाको चयन १५ साउनमा एमाले संगठन विभागले अभिलेखीकरण गर्ने सदस्यताको आधारमा हुने बताइएको छ।
ट्रेन्डिङ
