थानकोट ।

चन्द्रागिरि नगरपालिका-१४ नैकापस्थित नैकाप फुटबल मैदानमा जारी छैठाैं नैकाप गोल्डकप फुटबल प्रतियोगिता अन्तर्गत बुधबार दुई खेल हुँदैछन् ।

प्रतियोगिताअन्तर्गत बुधबार दिनको पहिलो खेल पुल डी मा रहेका कार्की युथ क्लब र महादेव युथ क्लबबीच हुनेछ । यो खेल दिनको १ बजे सुरु हुनेछ ।

यसैगरी दोश्रो खेलमा दिउँसो ३ बजे पुल ए मा रहेका सेतीदेवी युवा क्लब र वाणस्थली युवा समुह प्रतिस्पर्धा गर्नेछन् ।

प्रतियोगिता अन्तर्गत मंगलबार सम्पन्न खेलहरूमा क्रमश विजयपुर युथ क्लब र गणेशमान स्मृति फुटबल क्लबले जित हात पारेका छन् ।

प्रतियोगिताका पहिलो चरणका खेलहरू कार्तिक ३ गते सम्पन्न हुनेछन् ।

२७ टोलीले सहभागिता जनाएको यस संस्करणको नैकाप गोल्डकपको विजेताले ५ लाख रूपैयाँ पुरस्कार पाउनेछ ।