थानकोट ।

ललितपुरको गोदावरी नगरपालिकामा जारी प्रथम गोदावरी मेयर कप फुटबल प्रतियोगिता अन्तर्गत स्थगित भएका दुवै सेमीफाइनल खेलको मिति सार्वजनिक गरिएको छ । गत मंगलबारका लागि तय भएको पहिलो सेमीफाइनल खेल सुरु हुनासाथ मध्यान्ह भारी वर्षा हुँदा मैदान हिलाम्मे भएपछि दुवै सेमीफाइनल खेल स्थगित गरिएको थियो ।

प्रतियोगिता आयोजक गोदावरी नगरपालिकाका अनुसार प्रतियोगिताको सेमीफाइनल जेठ २ र ३ गतेका लागि तय भएका छन् ।

जसअनुसार पहिलो सेमीफाइनलमा जेठ २ गते बुधबार महालक्ष्मी र चन्द्रागिरि नगरपालिकाबीच खेल हुनेछ । यो खेल दिउँसो ३:३० बजे सुरु हुनेछ ।

यसैगरी दोश्रो सेमीफाइनल  जेठ ३ गते बिहीबार दिउँसो ३ः०० बजे मध्यपुर थिमी नगरपालिका र काठमाडौं महानगरपालिकाबीच हुनेछ ।