थानकोट ।

नेपाली स्थानीय बजारमा मंगलबार सुनको मूल्य हालसम्मकै उच्च कायम भएको छ ।

मंगलबार छापावाल सुन प्रतितोला एक लाख ४२ हजार ७ सय रुपैयाँमा कारोबार भइरहेको छ ।

नेपाली बजारमा यो हालसम्मकै उच्च मूल्य भएको नेपाल सुनचाँदी व्यवसायी महासंघले जनाएको छ ।

यही जेठ १८ गते छापावाल सुन प्रतितोला एक लाख ४२ हजार २ सय रुपैयाँमा कारोबार भएको थियो । 

सोमबारको तुलनामा मंगलबार छापावाल सुन प्रतितोला एक हजार ७ सय रुपैयाँले बढेको छ । सोमबार छापावाल सुन प्रतितोला एक लाख ४१ हजार रुपैयाँमा कारोबार भएको थियो ।

मंगलबार तेजाबी सुन प्रतितोला एक लाख ४२ हजारमा कारोबार भइरहेको छ ।

त्यस्तै, मंगलबार चाँदी प्रतितोला एक हजार ८ सय ६० रुपैयाँमा कारोबार भइरहेको छ । मंगलबार चाँदी एकैदिन २५ रुपैयाँले बढेर कारोबार भइरहेको छ ।