थानकोट ।

नेपाली स्थानीय बजारमा आज बुधबार सुनको मूल्य अघिल्लो कारोबार दिनकै मूल्यमा किनबेच भइरहेको छ ।

नेपाल सुनचाँदी व्यवसायी महासंघका अनुसार आज बजारमा छापावाल सुन प्रतितोला एक लाख ४२ हजार २ सय रुपैयाँमा कारोबार भइरहेको छ ।

यो मूल्य साताको पहिलो दिन आइतबार कायम भएकै मूल्य हो ।

आज बुधबार तेजाबी सुन प्रतितोला एक लाख ४१ हजार ५ सय रुपैयाँमा कारोबार भइरहेको छ ।

चाँदीको मूल्य भने प्रतितोला १० रुपैयाँ घटेर एक हजार ८ सय ५ रुपैयाँमा कारोबार भइरहेको महासंघले जनाएको छ ।

हिजो मंगलबार चाँदी प्रतितोला एक हजार ८ सय १५ रुपैयाँमा कारोबार भएको थियो ।