थानकोट ।

ढुङ्गाअड्डामा दुईवटा मोटरसाइकल र ट्रक आपसमा ठोक्किँदा एक जनाकाे मृत्यु भएको छ।

दुर्घटनामा घाइते भएका हुम्लाका २२ वर्षीय धीरेन्द्र भियालको सहिद मेमोरियल अस्पताल कलंकीमा मृत्यु भएको हो ।

५० वर्षका मुक्ति नारायण श्रेष्ठ घाइते भएका छन् । उनको हात र खुट्टामा चोट लागेको छ ।

गएराति ८ बजेर २५ मिनेटमा कलंकीदेखि थानकोटतर्फ आउँदै गरेको ना ६ ख ८६७४ नम्बरको ट्रक तथा बा.प्र.०२–०४९ प ४९५७ नम्बरको मोटरसाइकल र विपरीत दिशाबाट आउँदै गरेको बा ६३ प २०७७ नम्बरको अर्को  मोटरसाइकल आपसमा ठोक्किँदा उक्त दुर्घटना भएको थियो ।

यसबारेमा थप अनुसन्धान भइरहेको बताइएको छ।