धादिङमा खोलाले बगाएको अवस्थामा स्कुटर फेला, चालकको अवस्था अज्ञात
Thankot Times
२०८२ साउन १९ गते १४:१०
थानकोट ।
धादिङमा खोलाले बगाएर ल्याएको अवस्थामा एउटा स्कुटर फेला परेको छ ।
प्रहरीका अनुसार धुनिवेशी नगरपालिका-५ स्थित धोबी खोल्चामा सोमबार उक्त स्कुटर फेला परेको हो ।
सो स्कुटरको नम्बर प्लेट नचिनिने अवस्थामा छ।
हालसम्म कुनैपनि व्यक्तिले उक्त स्कुटर आफ्नाे भएको दाबी नगरेका कारण स्कुटरसँगै चालकपनि बगेको हुन सक्ने अनुमान गरिएको छ।
स्थानीय बासिन्दा र प्रहरीको टोलीले सम्भावित क्षेत्रमा चालकको अवस्था पहिचानका लागि खोजी कार्य तीव्र बनाएको बताइएको छ ।
पछिल्लो २४ घण्टामा धादिङका विभिन्न स्थानमा अत्यधिक वर्षा मापन गरिएको छ ।
तस्बिरः रेडियो राजमार्ग
धादिङको गजुरी क्षेत्रमा पछिल्लो २४ घण्टामा सबैभन्दा धेरै वर्षा
ट्रेन्डिङ
