केही दिन अघिसम्म माओवादीले माधव नेपाल नेतृत्वको एकीकृत समाजवादीसँग पनि एकता गर्ने गरी छलफल गरेको थियो ।

स्थायी कमिटीको बैठकपछि सञ्चारकर्मीसँग बोल्दै प्रचण्डले माओवादी केन्द्रका अध्यक्ष पुष्पकमल दाहाल ‘प्रचण्ड’ले पार्टी थप एकताबद्ध भएको बताए । पार्टीले गुटबन्दी अन्त्य गरेको उनको भनाइ छ ।

‘पहिलो कुरा देशको लोकतान्त्रिक आन्दोलनको सुदृढीकरण, गणतन्त्रको सुदृढीकरणका निम्ति हाम्रो पार्टीले महत्त्वपूर्ण र नेतृत्वदायी भूमिका खेल्यो । यसलाई एकताबद्ध गर्ने चुनौती हाम्रो अगाडि थियो । त्यो चुनौतीलाई हामीले जिम्मेवारीपूर्वक पूरा गरेका छौं । पार्टी एकताबद्ध भएको छ,’ प्रचण्डले भने, ‘हामी सामूहिक प्रतिवद्धता व्यक्त गरेका छौं । अबदेखि हामी सुदृढ एकताका साथ सबै गुटबन्दी र समूहबद्धताको अन्त्य गर्ने संकल्प गरेका छौं । सामूहिक रूपले प्रतिबद्धता व्यक्त गरेका छौं ।’

अब फेरि एकपटक विसंगतिविरुद्ध जनतामा जाने निर्णय भएको उनको भनाइ छ । ‘फेरि एकचोटी देशमा देखिएको विसंगतिको अन्त्यका निम्ति आन्दोलनमा जाने निर्णय गरेका छौं,’ प्रचण्डले भने ।