थानकोट ।

रिब्स मावि र स्वर्णिम स्कुल तेस्रो न्यु जेनिथ कपअन्तर्गत अन्तरविद्यालय बास्केटबल प्रतियोगिताको गल्र्स विधाको फाइनलमा प्रवेश गरेका छन् ।

सोमबार सम्पन्न प्रतियोगिताको सेमीफाइनलमा स्वर्णिमले ग्यालेक्सी पब्लिक स्कुललाई ४१–११ ले पराजित गर्‍यो । खेलमा स्वर्णिमकी हिसी ल्हामु लामाले २१ अंक जोडिन् । रिब्सले राराहिललाई २७–१७ ले हरायो । खेलमा रिब्सकी लिस्का थापाले १२ स्कोर गरिन् ।

भुरुङखेलस्थित आयोजक न्यु जेनिथको कोर्टमा भइरहेको प्रतियोगिताको ब्वाइजमा ज्ञान निकेतन र कन्स्टिलेसनले उपाधि भिडन्त पक्का गरेका छन् ।

ज्ञान निकेतनले पुष्पसदनलाई ६७–५१ ले पाखा लगायो । ज्ञान निकेतनका महेन्द्र प्याकुरेलले ३३ अंक बटुले । कन्स्टिलेसनले ब्राइट होराइजनलाई ६९–५८ ले पन्छायो । कन्स्टिलेसनका रिडम नेपालीले २१ अंक जोडे ।