थानकोट ।

पहिलो सगरमाथा आरोहण दलको सदस्य कान्छा शेर्पाको टेकु दोभानस्थित चिन्तामणि घाटमा अन्त्येष्टि गरिएको छ । 

कपनस्थित निवासमा ९२ वर्षको उमेरमा निधन भएका शेर्पाको पार्थिव शरीरमा सहरी विकास, ऊर्जा, जलस्रोत तथा सिँचाइ र भौतिक पूर्वाधार तथा यातायात मन्त्री कुलमान घिसिङले राष्ट्रिय झण्डा ओढाउनुका साथै सशस्त्र प्रहरी बलको एक टुकडीले आज अन्तिम सलामी अर्पण गरेको थियो ।

सन् १९५३ को सगरमाथा आरोहणमा एडमन्ड हिलारी र तेन्जिङ नोर्गे शेर्पाले सगरमाथा शिखर आरोहण गर्दा उक्त आरोहण दलमा भरियाका रूपमा संलग्न शेर्पा आठ हजार मिटरको उचाइमा पुगेका थिए ।

शेर्पा हालसम्म उक्त आरोहण दलको एकमात्र जीवित सदस्यका रूपमा रहेका थिए ।

तस्बिर : नेपाल फोटो लाइब्रेरी ।