थानकोट ।

कीर्तिपुर नगरपालिका क्षेत्रमा आज आइतबार (मंसिर १४) सार्वजनिक बिदा दिइएको छ ।

कीर्तिपुरमा स्थानीय परम्परा अनुसार सातगाउँले (न्हेगाँ) जात्रा लाग्ने भएकाले नगरपालिकाले यस दिन सार्वजनिक बिदा दिइएको हो ।

नगरपालिकाको गत मंसिर ८ मा बसेको कार्यपालिका बैठकले नगरपालिका क्षेत्रमा स्थानीय बिदा दिने निर्णय गरेको बताइएको छ ।

कीर्तिपुर र चन्द्रागिरिका विभिन्न शक्तिपीठबाट यस दिन तीनथानास्थित विष्णुदेवी मन्दिरमा रथयात्रा गरि सात गाउँले जात्रा मनाइँदैछ ।

जात्राका अवसरमा चन्द्रागिरि नगरमा सात गाउँले जात्रा मनाइने विभिन्न ७ वटा वडामा पनि बिदा दिइएको छ ।