थानकोट ।

विघटित प्रतिनिधिसभाका सदस्य तथा नेकपा (एमाले) का नेता बासुदेव घिमिरेले राष्ट्रिय स्वतन्त्र पार्टी प्रवेश गर्ने तयारी गरेका छन् ।

उनी बालेनको पक्षबाट रास्वपामा जान लागेका हुन् ।

बालेनको टिमले आफूलाई आग्रह गरेको घिमिरेले बताए । “लोकतन्त्र यसैको लागि आएको होला- अहिलेको परिस्थितिले भनेअनुसार गर्ने हो । तपाईंले सोचेजस्तै हो । तर छलफल हुँदैछ । कसरी के गर्ने भन्ने बाकी छ,” उनले भने ।

रुपन्देही- ५ बाट प्रतिनिधिसभा सदस्यमा निर्वाचित भएका घिमिरे रुपन्देहीको तिलोत्तमा नगरपालिकाका पूर्व नगरप्रमुखसमेत हुन् ।

उनी एमालेको केन्द्रीय सदस्यमा पराजित भएका थिए । 

यसअघि एमाले रुपन्देहीका सचिव चित्रबहादुर केसी पनि रास्वपा प्रवेश गरेका थिए ।