मेक्सिकोमा भूकम्प, कम्तीमा दुईजनाको मृत्यु
Thankot Times
२०८२ पुष १९ गते १३:३७
थानकोट ।
दक्षिणी र मध्य मेक्सिकोमा शुक्रबार ६.५ म्याग्निच्युडको भूकम्प भएको छ । भूकम्पमा कम्तीमा दुईजनाको मृत्यु भएको छ ।
अमेरिकाको सीबीएसले शुक्रवार साँझसम्म दुईजनाको मृत्यु भएको र १२ जना घाइते भएको बताएको छ ।
भूकम्पको केन्द्रबिन्दु दक्षिणपश्चिमी ग्वेरेरो राज्यको सान मार्कोसनजिकै लोकप्रिय पर्यटकीय सहर अकापुल्को नजिक थियो ।
ग्वेरेरोका राज्यपाल इभेलिन साल्गाडोले ५० वर्षीया एक महिलाको मृत्यु भएको बताइन् । मेक्सिको सिटीकी मेयर क्लारा ब्रुगाडाले ६० वर्षीय एक पुरुषको मृत्यु पुष्टि गरेकी छन् । उनले १२ जना घाइते भएको बताइन् । बीबीसी
ट्रेन्डिङ
