यू-१९ महिला साफ च्याम्पियनसिप आजदेखि पोखरामा सुरु हुँदै
Thankot Times
२०८२ माघ १७ गते ८:०१
थानकोट ।
आजदेखि पोखरामा यू-१९ महिला साफ च्याम्पियनसिप फुटबल प्रतियोगिता हुँदै छ ।
नेपालसहित भारत, भुटान र बंगलादेशले भाग लिने प्रतियोगिताको सम्पूर्ण तयारी पुरा भएको छ ।
प्रतियोगिताको पहिलो दिन आज दुई खेल हुँदैछन् । पोखरा रंगशालामा हुने प्रतियोगिताको पहिलो खेल बंगलादेश र भुटान र दोस्रो खेल नेपाल र भारतबीच हुनेछ ।
पहिलो खेल बंगलादेश र भुटानबीच मध्यान्ह १२ बजेदेखि शुरु हुने छ भने दोस्रो खेल दिउँसो ३ बजेदेखि शुरु हुने एन्फाले जनाएको छ ।
त्यस्तै, फेब्रुअरी २ मा बंगलादेश र भारत तथा नेपाल र भुटानबीच खेल हुँदैछ ।
त्यसैगरी फेब्रुअरी ४ मा भारत र भुटान तथा बंगालदेश र नेपालबीच खेल हुँदैछ ।
यी खेलपछि शिर्ष स्थानमा रहेका दुई देश फेब्रुअरी ७ मा फाइनल हुने छ ।
ट्रेन्डिङ
