थानकोट ।

चन्द्रागिरि नगरपालिका नयाँ नैकापबाट असार २७ गते बिहान चोरी भएको स्कुटर फेला परेको छ ।

जिल्ला प्रहरी परिसर काठमाडाैंका अनुसार बा ७२ प ९४९६ नम्बरको स्कुटरसहित सो स्कुटर चोरीमा संलग्न भएको अभियोगमा दुई जनालाई नियन्त्रणमा लिइएको छ ।

प्रहरी वृत्त थानकोटबाट हराएको उक्त स्कुटर खोजी गर्ने क्रममा स्कुटरसहित दुई जना पक्राउ परेका हुन् ।

यस बारेमा थप विवरण प्राप्त हुन बाँकी रहेको र आवश्यक अनुसन्धान भइरहेको जिल्ला प्रहरी परिसर काठमाडाैंका सूचना अधिकारी प्रहरी उपरीक्षक पवन कुमार भट्टराईले जानकारी दिए ।